O klubu

Bolje je da ima svoga kumpanjuna nego da sam more tuče

Baš kako je i Tedi reka za svoga Guca, takov je i naš klub, malešan, a isto gre. Raste svako godišće. Sve je više velih, a nama još i  draže, malih Gucićov zbog kih sve i ima smisla. Jerbo ima li ča lipše kad živiš uz more, sa morun i od mora nego li osjetiti taj najveći gušt punoga jedra i punoga srca dok ti prova siče novi val. Tako je sve i počelo od jenoga vala dobre volje ki još ni frema nego se uvik sa dobrin ciklunun vraća. Na tin valovima jedri  naš Guc  pomalo, ali siguro i pari se da će još dugo tako. Dobro mu bilo more.
Ala Guc

Kako postati član?

…i ni neki problem, ‘ko imate 100 kun’…

To van i ni neki problem ko imate 100 kun za članarinu i to van vridi godišće dan. Najbolje bi bilo ka biste došli na Sale da ne moramo plaćati pošćera. Ko van ni usput nema veze imamo mi i žiro račun u Splitskoj banci u gradu. Evo i broja : 2330003-1100380334. Napišite nan i kako se zovete i di stojite da van moremo impoštati člansku iskaznicu i uplatnicu. Ako vas još čagoder zanima nema van pomoći. Ma šalimo, se javite nan se pomoći ćemo kako god znamo i umimo.